Eksteryer dizayn nədir?

Eksteryer dizayn məkanın erqonomik və harmonik atmosferinin yaradılmasını nəzərdə tutur. Dizaynın əsasını bədii və utilitar ideyaların birləşməsi təşkil edir ki, bu da insanın yaşayışına əlverişli şərait yaratmağa yönəlib. Eksteryer dizayn obyektləri obrazlı-ifadəli keyfiyyətlərə malik olmalı, bir-biri ilə lakonik şəkildə uzlaşmalı və ümumi arxitektura ilə ahəngdar qarşılıqlı fəaliyyət göstərməlidir. Bu zaman yaradılan obyektlərin vizual  yerləşmə xüsusiyyətlərini, həmçinin ümumi rəng tərtibatını, miqyasını və mütənasibliyini nəzərə almaq vacibdir.